大家安安, 我對流派有意見和分享, 請內進 (有點長但希望大家可以耐心看... 汗")

大家好, 先自我介紹一下, 我叫Ken, 大家叫我迪迪便好. 來玩這遊戲不夠20日, 頭10日算係摸索階段, 之後才正式開左這支魔神迪迪玩. 本身是龍珠迷, 屋企有齊一套龍珠漫畫; 可恨o既係發現這遊戲較遲, 慢左起步, 所以衣家唔急住衝等.

機緣巧合下入左這流派 (話說因為20級集齊7個任務龍珠回娜美新手村搵神龍, 正好遇上在娜美"秘密集會"中的師範, 便加入來嚕), 來到後發覺這流派有優點也有缺點, 不過整體來看, 算係一個值得憧憬的流派, 亦有變強的潛力. 現在正值新舊會長交替, 本身曾係幾個遊戲的創辦會長或繼任會長的我, 有點點意見和有心想把這流派發揚光大o既各師兄/姐交流及分享, 希望可以對紅櫻花有點點幫助讓它更上一層樓, 飛得更高!

在我來看紅櫻是優質股, 如果用足球隊黎比喻, 紅櫻已經係乙組頭甲組尾, 有潛力擠身入甲組強隊內的流派; 就似悟空的成長一樣, 相信會讓人有驚喜. 一個公會要強是需要有 1.) 一定數量會認真玩(肯花時間和錢玩)的會員, 2.) 有心願犧牲為公會, 肯去幫助低級和有需要幫助的(新進)會員的熱心骨幹和會員, 和 3.) 新血來加盟.
1.) 這方面, 紅櫻有不錯的班底, 基礎已經存在, 只在於吸收新血來增強罷了;
2.) 這方面暫時係紅櫻的弱項, 雖然不至於無, 但會幫助人尤其係新手o既唔算足夠(幫助唔一定係去帶升等級, 當然會帶就更好; 有時間去幫加個buff或解答問題/疑難指導新人成長亦已經很不錯); 不過人心係會受感染的, 有人願意帶頭相信亦會有願意多行一步的人來跟隨. 而且, 當公會逐漸強大起來, 會願意為公會付出的人也會相繼增加.
3.) 新血加盟就要靠大家努力去識人加人入流派, 亦可以係武道大會顯露實力自然會有人來投.

我有以下的點點建議給各位師兄/姐分享:
1.) 衣家新舊會長交替, 係時候做一個人口統計/報告! 由於離爆名額差距遙遠, 所以大家如果有會升/玩的分身相信都可以在公會內存放, 不過希望大家都來報到, 說明自己的本尊和分身的職業/等級, 以便統計出活躍人數, 也讓骨幹們可以更清楚邊個打邊個, 將來會有活動時也好點算人數, 不會出現重覆左報名/參加資格o既情況.
2.) 大家多d識人或招攬有實力o既人入黎增強流派實力. 不過單係招攬是不夠, 仲要跟進同協助有需要的, 增加新進會員o既歸屬感, 先有機會成為活躍o既一份子, 生力軍.
3.) 偶爾見到有會員話悶, 建議如果覺得悶的朋友可以去幫幫或帶一下低級的, 尤其係新進會員, 增加佢地o既歸屬感; 你o既付出不一定會即時獲得對方回報, 但被幫助的對公會有左歸屬感, 相信會變得更活躍和有需要時願意作出貢獻. 公會強大了, 自己或多或少/直接間接也可以得到便利甚至益處. 如果唔想花寶貴時間去幫人唔緊要, 流派衣家缺魔導戰士和天天, 玩本尊玩得悶悶地時可以開隻分身玩這兩個職業, 既易搵團又可以間接幫助到公會的發展.
4.) 公會有專屬倉庫, 建議考慮向會員每月徵收會費, 會費不用多, 以50級的能力打半小時至一小時所得的平均收入便足夠; 願意多捐的當然更好. 收集到的錢可以用作公會的必需支出和活動用途. 特別的日子如聖誕/農曆年時購買物品/特別服裝作抽獎用途, 限定較大的獎只會在有每月作出貢獻的會員中抽取送出, 小獎可以給新進的低級會員或沒能力貢獻的會員去抽. 那一直有作出貢獻的就好像標會一樣, 有機會拿取比自己貢獻的更多或更好的回報, 沒抽到便當作是對公會出的點點綿力; 而沒有貢獻的也有歡樂獎, 皆大歡喜. 至於武器/裝備如果是中上的數值也可存房在倉庫供會員有需要時"借用", 以幫助有需要的人. 不過這點就需要有可信任o既人願意犧牲花點時間去紀錄同需要時作出報告. 俾大家知道各位作出o既貢獻係用係公會正當用途上.
5.) 這個遊戲基本上單練同解任務就可以升上50級, 所以可以講無咩團隊默契, 但偏偏天下大會就有隊伍賽. 建議搵專人負責攪每星期定時組隊PK練習班, 讓大家多d吸取組隊PK的實戰經驗, 搵到最適合我地公會o既PK職業配搭/最強的組合, 仲可以培養大家對團P的默契. 希望有心想玩天下大會o既會員都多多參與, 增加實戰經驗同能力. 當我地打出名堂或有了一些知名度後, 自然多些人來投靠. 人多了就好像某流派一樣分A/B隊(每隊也可加插後補/續戰力), 但實力要盡量偏向平均, 到時就可以變成A隊,B隊同未編的其他人一隊黎對打練習; 自家的隊伍可以多點對打練習, 一起進步.

以上是小弟的點點意見, 抱歉有點長, 不過既來之則安之是我的性格, 也看到這流派的潛力, 希望可以看到這公會變得更強. 有需要有用得著的請吩咐, 能力做得到的我樂於付出, 但就不需給我任何職銜, 讓我看到這流派壯大起來, 得到滿足感便是我要的回報. 希望大家有心的也多出點力, 團結就是力量. 抱歉花了大家不少時間, 我的看法不一定對, 有意見的請儘管說, 大家好好交流一起進步. ^^

AHAHAHH~!說的好!!!我支持你

10個讚

講得好

讚X1000000

睇得出好有心機....
多謝你打左咁多意見, 我一定係支持果邊~~
大家一齊努力啦~

很有心的迪迪 十萬個支持!!

說的好!

另特別提議搞好團體天下先, A隊係最勁個5個, B隊係後備隊第二最勁個5個> A隊有誰不能上就B隊找人補上, 另外還最好編定固定隊伍, 只要A/B搞好先, 再帶之後的會員打更好,,,比如說4帶1咁去打... 另每星期抽一點點時間團P...可能大家更加清楚分工, 更有默契。

最勁果5個唔知仲係唔係會, 其他人都無話點去刻意組成強隊. 不過才剛開放55, 55高石又稀少, 最強的定義仲未穩定出來. 不過還是希望大家多參與, 贏輸也攞個經驗.

好好